من الاساير الفيسبوكية المتداولة اسطورة غريبة .. غرضها التطبيل للرئيس السادات وفي نفس الوقت لمز سلفه الرئيس جمال عبد الناصر وتوصيره كما لو كان معادي للدين .. والاسطورة بتقول ان السيد ست البرين والدة الرئيس السادات طلبت منه عندما كان رئيس في الفترة من 1970 الى 1981 اذاعة الاذان في الاذاعة والتلفزيون في مصر ….
لحد هنا كويس لو حد بياخد الامور بشواشيها بدون بحث .. رغم ان الشواهد والعقل والمنطق بتقول غير كده وابسطها ان الشيخ محمد رفعت له اذان مسجل بالاذاعة وهو متوفي قبل حتى قيام ثورة يوليو …
.. لكن نيجي للكلام ده ونفنده واحده واحده ..
اولا السيدة ست البرين توفيت في ديسمبر 1958 قبل السادات ما يصبح رئيس ب 12 سنه !! كفاية كده ؟ لا
خد دي كمان .. عندك قصاصات لمجلة فيها برامج الاذاعة سنة 58 وواضح فيها ان الااعة كانت بتيع الاذان وده قبل افتتاح التلفزيون في مص بسنتين … كفايه كده ؟ لا
خد دي كمان … اذاعة القرأن الكريم اشتغلت في مصر سنة 1964 واعتقد زي ما كانت بتذيع القرآن كانت بتذيع الأذان كمان !! مش كده ولا ايه ؟
خد دي كمان .. بيقولك السادات كلم السيدة تماضر توفيق رئيس الاذاعة التلفزيون عشان تنفذ رغبة والدته .. حلو ؟؟ حلو .. طيب السيدة تماضر توفيق تولت منصب رئيس الاذاعة والتلفزيون من سنة 1977 الى سنة 1985 يعني بعد وفاة والدة الرئيس السادات بزمن طويل ..
..
ولا اقولك سيبك من كل ده وافتح ماسبيرو زمان حتلاقي بيذيعوا الاذان باصوات كبار القراء بالابيض والاسود من الستينات ..
..
يعني من الاخر ولا كلمة من القصة الخيالية دي ماسكة نفسها ولكن كعادتهم بيعتمدوا على سطحية متابعيهم .. ومش حنستغرب لما نلاقي اول من اطلق الكبة دي صفحة الملك فاروق المتخصصة في الترويج للأكايب بشكل متعمد
اخبار النادي الأهلي المصري اضغط هنا
معلومات طبية و دليل الأدوية اضغط هنا